ផ្សារជីស៊ី អូរឫស្សីបាននាំមកជូននូវកាត VIP សម្រាប់ម្ចាស់តូបទាំងអស់
រាជធានីភ្នំពេញ ៖ ផ្សារជីស៊ី អូរឫស្សីបាននាំមកជូននូវកាតសមាជិក VIP សម្រាប់ម្ចាស់តូបផ្សារជីស៊ី អូរឫស្សីទាំងអស់ ។ នេះ បើតាមសេចក្ដីព័ត៌មាន របស់ក្រុមហ៊ុនអភិវឌ្ឍន៍ផ្សារជីស៊ីអូរឬស្សី នៅថ្ងៃទី២១ ខែវិច្ឆិកា ឆ្នាំ២០២១ នេះ ។
លោក កាំង នីន នាយកផ្នែកលក់នៃគម្រោងផ្សារជីស៊ី អូរឫស្សី បានមានប្រសាសន៍ថា ផ្សារជីស៊ី អូរឫស្សី ខុសប្លែកអំពីគម្រោងអភិវឌ្ឍដទៃទៀត ដោយយើងព្យាយាមស្វែងរក និងនាំមកជូននូវមុខងារថ្មីៗបន្ថែមទៀត សម្រាប់ម្ចាស់តូបទាំងអស់ ។
លោកបន្តថា ផ្សារជីស៊ី អូរឫស្សីត្រូវបានរចនាឡើង ប្លែកពីគេដោយបានរួមបញ្ចូលគ្នានូវរចនាបទ ដែលជាកម្ចីពីប្រវត្តិសាស្ត្រផង ដោយបម្លែងឱ្យទៅជារចនាបទទំនើបផង ប៉ុន្តែនៅរក្សាបាននូវស្ថាបត្យកម្មប្រពៃណីខ្មែរបុរាណ ។ ផ្សារក្នុងស្រុកនេះ ត្រូវបានបង្កើតឡើង ជាពិសេសស្របទៅតាមបរិបទរស់នៅ នៃប្រជាជនក្នុងស្រុក បរិយាកាស និងឥរិយាបទអ្នកប្រើប្រាស់ ហើយការរចនាក៏បានយកចិត្តទុកដាក់លើដំណើរការនៃលំហូរខ្យល់ និងបែងចែកពន្លឺធម្មជាតិបានកាន់តែប្រសើរឡើង ដែលនេះជាកត្តាដ៏សំខាន់មួយ សម្រាប់ធាតុអាកាសក្នុងតំបន់ត្រូពិច ក្នុងការធ្វើយ៉ាងណាឲ្យមានម្លប់ច្រើន និងការពារផ្នែកខាងក្នុងពីទឹកភ្លៀង ។
នៅក្នុងថ្ងៃនេះផ្សារ ជីស៊ី អូរឫស្សី បាននាំមកនូវកាតសមាជិក VIP ដែលជាកាតត្រូវបានបង្កើតឡើងជាពិសេស សម្រាប់ម្ចាស់តូបទាំងអស់ ។ កាតសមាជិក VIP ជាអ្នកសម្របសម្រួល ដល់ប្រតិបត្តិការរវាងម្ចាស់តូបទាំងអស់ និងក្រុមហ៊ុនគ្រប់គ្រងអាជីវកម្មឲ្យដំណើរការ កាន់តែមានប្រសិទ្ធិភាព មានភាពប្រសើរឡើង និងពោរពេញដោយតម្លាភាពផងដែរ ។
លោក កាំង នីន បានបញ្ជាក់ថា សម្រាប់រាល់អតិថិជនទាំងអស់ ដែលបានកក់តូបផ្សារជីស៊ី អូរឫស្សី នៅក្នុងអំឡុងព្រះរាជពិធីបុណ្យអុំទូក រហូតដល់ចុងខែវិច្ឆិកានេះ នឹងទទួលបាននូវកាតសមាជិក VIP ផ្សារជីស៊ី អូរឫស្សី ព្រមជាមួយ 500 ពិន្ទុរួចជាស្រេច ។ ម្ចាស់តូបអាចប្រើប្រាស់ពិន្ទុនេះ ដើម្បីបង់តម្លៃសេវាគ្រប់គ្រង និងតម្លៃចំណាយផ្សេងៗទៀត នាពេលអនាគត ។
លោក កាំង នីន ក៏បានបន្ថែមទៀតថា ផ្សារជីស៊ី អូរឫស្សី ទទួលបាននូវការគាំទ្រដ៏ច្រើនលើសលប់ ពីសំណាក់ប្រជាពលរដ្ឋកម្ពុជា ចាប់ពីការបើកទទួលចុះឈ្មោះរើសតូប នៅក្នុងខែឧសភាមក ដល់ពេលបច្ចុប្បន្ននេះ ។ ក្រុមការងាររបស់យើងកំពុងតែបន្តធ្វើការស្វែងរក និងនាំមកជូននូវអត្ថប្រយោជន៍ដ៏ច្រើនលើសលប់ផ្សេងទៀត សម្រាប់ម្ចាស់តូបទាំងអស់ ។
លោកបានសង្កត់ធ្ងន់ថា៖ «ផ្សារជីស៊ី អូរឫស្សី មិនត្រឹមតែជាផ្សារបោះដុំប៉ុណ្ណោះទេ ក៏ប៉ុន្តែវាក៏ជាទីកន្លែងដែលរក្សាទុកនូវទ្រព្យសម្បត្តិដ៏មានតម្លៃ បំផុតរបស់ប្រជាជនកម្ពុជា ។ យើងរក្សារនូវទំនៀមទម្លាប់ ជំនឿ និងវប្បធម៌ ពីអតីតកាលមកដល់បច្ចុប្បន្នកាល ។ យើងព្យាយាមធ្វើជាអ្នកអភិវឌ្ឍ ដែលផ្ដល់នូវជំនួយឱ្យបានកាន់តែច្រើន ទៅកាន់ម្ចាស់អាជីវកម្មទាំងអស់ឲ្យទទួលបានជោគជ័យ ។
ផ្សារជីស៊ី អូរឫស្សី បានផ្ដល់ជូននូវឱកាសវិនិយោគ ដែលមិនធ្លាប់មានពីមុនមក ។ ចាប់ពីថ្ងៃនេះរហូតដល់ថ្ងៃទី 30 ខែវិច្ឆិកា ឆ្នាំ 2021 សម្រាប់រាល់អតិថិជន ដែលកក់នូវតូបផ្សារចំនួន 2 យូនីត នឹងទទួលបានការរចនាប្រភេទ Diamond ដោយឥតគិតថ្លៃ ហើយសម្រាប់អ្នកកក់ 1 យូនីតក៏អាចទទួលបានការរចនាប្រភេទ Silver ព្រមជាមួយនឹង កាតសមាជិក VIP 500 ពិន្ទុរួចជាស្រេចទៀតផង ។
សម្រាប់ព័ត៌មានលម្អិតពីផ្សារជីស៊ី អូរឫស្សីសូមចូលទៅកាន់ផេកហ្វេសប៊ុកផ្លូវការរបស់ផ្សារជីស៊ី អូរឬស្សី ៖
- GC Orussey Market – ផ្សារជីស៊ីអូរឫស្សី: <a href=”https://www.facebook.com/gc.orusseymarket”>https://www.facebook.com/gc.orusseymarket</a>
- ឆាណែលតេលេក្រាម – <a href=”https://t.me/GCOrusseyMarket”>https://t.me/GCOrusseyMarket</a>
- លេខទូរស័ព្ទ និងតេលេក្រាម: 099 331015, 098 331015 ៕ ដោយសហការ
